Zer da Steel Tech

Hasiera|Informazioa|Zer da Steel Tech
Zer da Steel Tech2020-12-16T09:40:40+01:00

Balio-kate osoan izandako aurrerapen teknologikoak, abian diren ikerketa esperantzagarrienak eta berrikuntza izango dira ekitaldiaren protagonista nagusiak

SIDEREX-ek eta Bilbao Exhibition Centre-k STEEL TECH aurkezten dizute. Altzairuaren sektoreari buruzko ekitaldi berri honek balio-kateko gako eragile nagusiak bilduko ditu ezagutza-transferentzia, berrikuntza teknologikoak eta networkinga sektoreen arteko harremanak sustatzeko eta negozioa egiteko oinarrizko erreminta gisa izango dituen gune batean.

Steel Tech-en helburuak

STEEL TECH helburu hauekin sortu zen:

  • Altzairuaren sektorean nazioarteko erreferentzia izango den nazioarteko ekitaldi bihurtzea.
  • Balio-kate osoan altzairuaren sektorean izandako aurrerapen teknologikoak eta berrikuntza erakusteko gune espezializatu bat eskaintzea.
  • Ezinbestekoa burdingintza sektorean diharduten Iberiar penintsulako (Espainia eta Portugal) enpresa, agente eta erakunde guztientzat.
  • Bezero, bazkide eta hornitzaileekin ideiak eta informazioa trukatzeko eta enpresa-harremanak sortzeko aukera ematea parte-hartzaileei.
  • Abian diren eta datozen urteetan jauzi teknologiko garrantzitsuak eragin ditzaketen ikerketa esperantzagarrienak ezagutaraztea.

Zergatik Bilbo?

Altzairu-ekoizpena lurralde honen DNAn dago. Tradizioagatik eta esperientziagatik, Kantauri itsasoko ertzean dauden altzairu-fabriken % 50 daude bertan, altzairu-fabrikak izaki burdingintza sektorearen balio-kateko eragile nagusiak.

Horrek guztiak Euskal Herri osoan barrena zabaltzen den industria eraldatzaile sendo baten parte da, eta haren sare ekonomikoaren zati garrantzitsua. Gainera, haren ekoizpena eta ekoizpen-aniztasuna (nagusiki, altzairu herdoilgaitza, altzairu bereziak eta produktu luzeak) oso ondo baloratuta daude nazioartean.

Euskal Autonomia Erkidegoan, sektoreko balio-kate osoa ordezkatzen duten ehun bat enpresa daude, eta 11 altzairu-fabrika, zeinek Europako sailkapeneko 12. tokian jartzen baitute Euskal Herria (Espainiak duen ekoizteko ahalmen osoaren % 39).

Burdingintza produktuen eskariari dagokionez, EAEk sektore estrategiko hauetako enpresen sare industrial zabal bat du: automobilgintza, energia, ontzigintza, tren-industria, makina-erreminta, petrokimika, ekipamendu-ondasunak, eraikuntza eta etxetresna elektrikoak, besteak beste.

Bazkideak

STEEL TECH-ek sektoreko buru diren enpresen babesa eta laguntza du; besteak beste, hauena: ARCELORMITTAL, ACEROS INOXIDABLES OLARRA, SIDENOR, ALFE CUTTING, ACERIA DE ALAVA (GRUPO TUBACEX), CEIT, TECNALIA, IDOM, SARRALLE, SPRI, UNESID, SIDEREX eta BEC.

Go to Top